کپواڑہَس منٛز ٹریفکٕچ خلاف ورزِین پٮ۪ٹھ کریک ڈاؤن گوٚو تیز۔

150 تجٲرتی گاڑِ آیہِ بلیک لِسٹ، فٹنس نہٕ آسنہٕ کِنہِ کوٚرُکھ 73,000 رۄپیہِ جُرمانہٕ
سرینگر، 03 اگست: سرحدی ضلعہٕ کپواڑہ ہَس منٛز ٹریفک سسٹم بہتر بناونہٕ تہٕ ٹریفک خلاف ورزی کرن والٮ۪ن خٕلاف سخت کارروٲیی ہٕنٛز عمل تیز کرنہٕ خٲطرٕ پنٕنۍ مہم جٲری تھوِتھ کٔرۍ ٹرانسپورٹ محکمَن ای چالان ذٔریعہٕ 73,000 رۄپیہِ جمع، 150 کمرشل گاڑِ بلیک لسٹ کٔرِتھ تہٕ تِہنٛدۍ کاغذ ضبط کٔرۍ۔ کپواڑہ پٮ۪ٹھٕ تفصیٖل دِوان ووٚن أکۍ نمایندَن سی این آٮٔی یَس زِ ضِلعُک ٹرانسپورٹ محکمہٕ چھُ اسسٹنٹ ریجنل ٹرانسپورٹ آفیسر بلال احمد سنٛز نگرٲنی منٛز چالو کرنہٕ آمُت تہٕ واریٛاہ گاڑِ آیہِ ضبط کرنہٕ تہٕ مُختٔلِف جایَن پٮ۪ٹھ قونوٗنَن ہٕنٛز خٕلاف ورزی کرنہٕ باپتھ آیہِ ای چالان تہِ کرنہٕ۔ نمایندَن ووٚن زِ اسسٹنٹ ریجنل ٹرانسپورٹ آفیسر کپواڑہ بلال احمد سٕنٛدِس قیادتس منٛز آیہِ انفورسمنٹ وِنگَن اکھ خاص مُہِم چلٲوِتھ یَتھ دوران ٹریفک قونوٗنَن ہٕنٛز خٕلاف ورزی کرنَس پٮ۪ٹھ 73,000 رۄپیہِ جُرمانہٕ پٲٹھۍ وصوٗل کرنہٕ آیہِ۔