کنگنَس منٛز اوٚبر پھٹنہٕ کِنہِ گٔیہِ سری نگر-لیہہ شاہراہ بنٛد

سری نگر، 4 اگست (یو این آئی) وسطی کشمیر کِس گاندربل ضلعہٕ کِس چیروان-پڈابل کنگن علاقَس منٛز آو رٲژ دوران اوٚبر پھٹنہٕ سۭتۍ اچانک سٔہلاب، ییٚمہِ سۭتۍ کینٛہہ رِہٲیشی مکانَن نۄقصان واتنوو۔ رپورٹَو مُطٲبِق گوٚو بَٹہٕ وارِ تہٕ آتھٕوارِ دۄہ درمیٲنی رٲژ موسمَن موڑ تہٕ کنگن کِس أکِس دور دراز علاقہٕ چیروان پدابل کِس پٮ۪ٹھمِس پہاڑَس پٮ۪ٹھ اوٚبر پھٹنہٕ سۭتۍ، ییٚمہِ سۭتۍ نہ صرف سٔہلابٕچ صورتحال پٲدٕ گٔیہِ، بلکہِ پٮ۪ٹھٕ گٔیہِ سٮ۪ٹھا کَنہِ تہِ۔ مقٲمی ذٔرایعن ووٚن زِ لُکھ درٛاو پنٛنٮ۪و گَرَو منٛزٕ درٛاو تہٕ اوٚبُر گونجنہٕ کِنہِ گٔیہِ محفوٗظ جاین ژلنَس پٮ۪ٹھ مجبوٗر۔ تٔمۍ ووٚن زِ اوٚبر پھٹنہٕ کِس نٔتیٖجس منٛز گٔیہِ کینٛہہ رِہٲیشی مکانَن تہٕ دۄن گاڑٮ۪ن نۄقصان ییٚمہِ سۭتۍ سٔہلابٕچ صورتحال تہٕ سٮ۪ٹھاہ پتھر گٔیہِ۔ تٔمۍ ووٚن زِ امہِ واقعہٕ سۭتۍ گوٚو واریاہ کنال دانہِ فصل تہِ تباہ۔
تٔمۍ سٕنٛدِ مُطٲبِق ییٚلہِ اوٚبر پھٹنٕچ اطلاع آیہِ، مقٲمی لوک، پولیس تہٕ فوجی اہلکار وٲتہِ موقعہٕ پٮ۪ٹھ تہٕ کٔرٕن بچاو کٲم شروع۔
وۄنٛہِ گوٚو، اَتھ واقعَس منٛز گٔیہِ نہٕ کانٛہہ تہِ زخمی یا جٲنی نۄقصانٕچ اطلاع۔