کشمیرس منٛز آو بنیُل اکہِ پتہٕ بیٛاکھ ،کانٛہہ تہِ نۅقصان چُھنہٕ گوٚمُت۔

سری نگر، 20 اگستۄموارِ دۄہ صُبحٲے آیہِ وادی کٔشیٖرِ منٛز لگاتار دۄن بُنیُلَن ہُنٛد جھٹکہٕ، ییٚمہِ سۭتۍ لوٗکَن منٛز خوف پٲدٕ گوٚو۔دۄشوٕنی بُنیُلَن ہُنٛد مرکز اوس شُمٲلی کٔشیٖرِ ہُنٛد بارامولا علاقہٕ۔سینٹر فار نیشنل سیسمولوجی مُطٲبِق آو بوموارِ دۄہ صبحٲے 6:45 بجہِ گۄڈٕنیُک بنیُل محسوٗس کرنہٕ۔تٔمۍ ووٚن زِ بنیُل آو ریکٹر سکیلَس پٮ۪ٹھ 4.9 تہٕ 5 کلوٗمیٹر سرٛنٮ۪ر۔ بُنلٮ۪ن ہُنٛد مرکز اوس شُمٲلی کٔشیٖرِ ہُنٛد بارہمولہ ضِلعہٕ۔مرکزَس مُطٲبِق آو دوٚیُم بُنیُل سَتَو منٹَو پتہٕ یعنی شامَس 6:52 بجہِ محسوٗس کرنہٕ۔تٔمۍ ووٚن زِ بنیُل آو ریکٹر سکیلَس پٮ۪ٹھ 4.8 تہٕ 10 کلومیٹر سرٛنٮ۪ر۔بُنلیُک ہُنٛد مرکز اوس شُمٲلی کشمیرُک بارامولا علاقہٕ تہِ۔حالانٛکہِ بُنیُلَو سۭتہِ گٔیہِ لوٗکَن منٛز خوف و ہراس پٲدٕ، مگر کانٛہہ تہِ نۄقصانٕچ اطلاع آیہِ نہٕ۔