دٔلیٖلن ہند تجزِیہٕ تہٕ قوالی / صوفیانہ کلام پروگرام آو از چِنار اُردوٗ کِتاب مٲلس منٛز مُنعقد کرنہٕ.چِنار اُردوٗ کِتاب مٲلہِ کہ ژوٗرِمہِ دۄہ تہِ سامعیٖن جمع۔

سری نگر:نیشنل کونسل فار پروموشن آف اردو لینگویج نگینا انٹرنیشنل کشمیرس سۭتۍ مِلِتھ کوٚر اکھ مختصر کہانی خوانی تہٕ تِہنٛدِ تجزیہٕ پروگرامُک اہتمام یتھ منٛز سینئر افسانہ نگار نور شاہن بدلی موسمٕک رنگ پٔرۍ، وہشی سعیدَن پٔرۍ ‘میرا کلر میرا مسیحا’ تہٕ ناصر ظمیرَن چھِ افسانہٕ پٔرِتھ، ییٚلہِ زَن سہیل سالم، صوفی بشار بشیر تہٕ ڈاکٹر محمد اقبال لون کوٚر یِمَن دٔلیٖلَن ہُنٛد تجزیہٕ۔ تجزیہ کارو کوٚر نور شاہ، وہشی سعید تہٕ ناصر ضمیر سٕنٛدِ افسانہٕ تہٕ فکرِ تہٕ فنُک بہتٔریٖن تجزیہٕ پیش۔ دوٚیُم پروگرام اوس محفِل قوالی/صوفیانہ کلام، یُس انسٹی ٹیوٹ آف میوزک اینڈ فائن آرٹس کشمیر یونیورسٹی کِس اشتراک سۭتۍ پیش اوس کرنہٕ آمُت، یہِ پروگرام اوس یاور ایوب، شاہد شفیع خان، توحید احمد، صابر احمد، اویس محمود، داؤد احمد میر، فرحان جبار، ارشاد مجید تہٕ دی انسٹی ٹیوٹ آف میوزک اینڈ فائن آرٹس کشمیر یونیورسٹی ہٕنٛدۍ تاجندر پال سنگھَن پیش کوٚرمُت۔