حکوٗمتَن کٔر پاکستانَس کٮ۪ن 16 یوٹیوب چینلَن پٮ۪ٹھ پابندی عٲید۔

حکوٗمتَن چھِ ہندوستان، ہندوستٲنہِ فوج تہٕ سیکیورٹی ایجنسیَن مُتعلِق سنسنی خیز مواد نشر کرنَس پٮ۪ٹھ 16 پٲکِستٲنہِ یوٹیوب چینلَن پٮ۪ٹھ پابٔنٛدی لگٲومٕژ یِم اشتعال انگیز، غلط، گمراہ کن تہٕ فرقہ وارانہٕ ہم آہنگی خراب کران چھِ۔
سرکٲرۍ ذٔرایعو ووٚن ژٔنٛدٕروارِ دۄہ زِ مرکزی وزارت داخلہ سٕنٛدِس سفارشَس پٮ۪ٹھ چھِ فوری اثر سۭتۍ پابٔنٛدی لگاونہٕ آمٕژ۔ یِمَن یوٹیوب چینلَن پٮ۪ٹھ پابٔنٛدی چھِ لگٲومٕژ تِمَن منٛز چھِ ڈان نیوز، سما ٹی وی، اے آر آٮٔی نیوز تہٕ جیو نیوز شٲمِل۔ یِم چینلہٕ چھِ پہلگام دہشت گردٕ حملہٕ پتہٕ دۄشوٕنی مُلکَن درمِیان تناؤ وٲلِس صورتہِ حالَس مدنظر گمراہ کن تہٕ سنسنی خیز مواد نشر کران۔
حکوٗمتَن چھِ یوٹیوب چینلَن پٮ۪ٹھ تہِ پابندی لگٲومٕژ یِتھ کٔنۍ ارشاد بھٹی، بی او ایل نیوز، رفتار، دی پاکستان ریفرنس، سما سپورٹس، جی این این، عمر کرکٹ، عمر چیمہ ایکسکلوزیو، عاصمہ سراجی تہٕ منیب سٕنٛزن یوٹیوب چنلن پٮ۪ٹھ تہِ پابندی عٲید۔