عمر عبداللہَن کوٚر گاندربل سرینگرَس منٛز آب سپلائی سکیمُک افتتاح۔

جموں و کشمیرٕکۍ وزیر اعلیٰ عمر عبداللہَن کوٚر بوموارِ دۄہ مرکزی ضلعہٕ گاندربل کِس بکوراہَس منٛز آب سپلائی سکیمُک افتتاح، یُس 4000 کھۄتہٕ زِیٛادٕ لوٗکَن خٲطرٕ صاف چنہٕ آبٕچ فراہمی یقینی بناوِ۔ اَتھ موقعَس پٮ۪ٹھ ٲسہِ وزیر تعلیم سکینہ اِٹو، جل شکتی، جنگلات، ماحولیات تہٕ قبٲئلی معاملَن ہُنٛد وزیر جاوید احمد رانا، تہٕ وزیر اعلیٰ سُنٛد مشیر ناصر اسلم وانی تہِ شٲمِل۔ وزیر اعلیٰ ووٚن زِ یِتھۍ اقدام چھِ سانہِ حکوٗمتٕچ بُنیٲدی سٔہوٗلِیات تہٕ پرٛٮ۪تھ أکِس خٲطرٕ معیار زندگی بہتر بناونٕکۍ عزم ظٲہِر کران۔