مُلکَس منٛز چھِ کورونا وائرس انفیکشن سۭتۍ بیٚیہِ 5 مریض ہلاک گٔمٕتۍ، تہٕ فعال کیسَن ہُنٛد تعداد چھُ 4026 تام ووتمُت۔

بۄموارِ دۄہ صُبحٲے تام چھِ پوٗرٕ مُلکَس منٛز کورونا وائرس کین فعال کیسَن ہُنٛد کُل تعداد 4026 تام بڈیمُت۔ پٔتِمٮ۪ن 24 گٲنٛٹن منٛز چھِ امہِ لاگہِ سۭتہِ بیٚیہِ 5 مٔریٖض فوت گٔمٕتہِ ، ییٚمہِ سۭتہِ مرن والٮ۪ن ہُنٛد تعداد ووت 37 ۔ وزارت صحت تہٕ خاندٲنی بہبود کہِ طرفہٕ آز صبحٲے 8 بجہِ جٲری کرنہٕ آمٕتہِ اعداد و شمارٕ مُطٲبِق چھُ مُلکَس منٛز کووڈ کین فعال کیسَن ہُنٛد تعداد 4026 تام بڈیمُت۔ وُنیُک تام چھِ 2700 مریض صحتیاب گژھنہٕ پتہٕ ڈسچارج کرنہٕ آمٕتۍ، تہٕ 1 جنوری پٮ۪ٹھٕ چھِ 37 نفر ہلاک گٔمٕتۍ۔ پٔتِمٮ۪ن 24 گٲنٛٹن منٛز چھِ 65 نٔوۍ ایکٹیو کووِڈ کیس رپورٹ گٔمٕتۍ، تہٕ 512 مریض چھِ صحت یاب گژھنہٕ پتہٕ ڈسچارج کرنہٕ آمٕتۍ۔ وونہِ گو٘ ، اتھ وقتس دوران گٔیہِ بیٚیہِ 5 مٔریٖضن پنٕنہِ زِنٛدگی ۔ مرن والٮ۪ن مٔریٖضن منٛز چھُ اکھ کیرالہ پٮ۪ٹھ، اکھ تامِل ناڈوُک، اکھ مغربی بنگالُک تہٕ زٕ مہاراشٹرا پٮ۪ٹھٕ۔ وزارت صحتَن چھُ ووٚنمُت زِ سُہ چھُ کووڈ کِس صورتہِ حالَس پٮ۪ٹھ قریبی نظر تھاوان۔ وزارتَن چھِ عوامَس اپیل کٔرمٕژ زِ تِم گژھَن نہٕ گھبراونہٕ تہٕ ہجوم علاقَو نِش بچن۔