ٹیگور ہالسرینگرَس منٛز ڈلفِک کونسل، جموں و کشمیر کلچرل اکیڈمی، تہٕ این زیڈ سی سی طرفہٕ ترٛٮ۪ن دۄہَن ہُنٛد بین ریاستی ثقافتی تہوارُک افتتاح

ترٛٮ۪ن دۄہَن ہِنٛدِ بین ریاستی ثقافتی تہوارُک افتتاح آو ٹیگور ہال، سرینگرَس منٛز شاندار پٲٹھۍ کرنہٕ، ییٚمیُک اہتمام جموں و کشمیر کلچرل اکیڈمی تہٕ این زیڈ سی سی کِس اشتعراقَس منٛز جموں و کشمیر کِس ڈیلفِک کونسلَن کوٚرمُت۔ افتتٲحی تقریٖبہِ کِس موقعَس پٮ۪ٹھ اوس حزب اِختلافُک رہنُما شری سنیل شرما بطورِ مہمان خصوصی موجود۔ تٔمِس سۭتۍ ٲسۍ ایم ایل اے اکھنور موہن لال بھگت، ایم ایل اے لال چوک احسان پردیشی، ڈیلفِک کونسلُک نیشنل ڈایریکٹَر امیت کمار شرما، پرنسپل سیکریٹری آف کلچر برج موہن شرما، تہٕ ایم ایل اے شُمٲلی جموں شام لال شرما تہِ بطور معزز مہمان موجود۔ تقریبہِ منٛز کٔر کلچرل اکیڈمی ہٕنٛز سکریٹری ہرویندر کور تہٕ ایڈیشنل سکریٹری عادل سلیمَن تہوارٕکۍ میزبان پٲٹھۍ شرکت۔ امہِ تقریبہِ ہُنٛد افتتاح کوٚر حزب اِختلافٕکۍ رہنُما سنیل شرماَن رٮ۪وٲیتی اندازَس منٛز شمع روشن کٔرِتھ تہٕ اسبند سوزی (اکھ رسمی سٕژنہِ کٲم ہٕنٛز رسم)۔ پتہٕ کوٚر جموں و کشمیرٕچ ڈیلفِک کونسلُک چیئرمین اشوک سنگھَن پژھٮ۪ن خٲر مقدم۔