پلوٲمِس منٛز منشیات فروش گِرِفتار، ممنوعہ مادٕ برآمد: پُلیٖس

معاشرَس نشاور نِش آزاد کرنُک عزم مضبوٗط کٔرِتھ کوٚر پلوامہ پولیسَن بیاکھ اکھ ڈرگ ڈیلر گِرِفتار تہٕ أمِس نِش چھُ ممنوعہ چیز ضبط کوٚرمُت۔

پُلسہٕ کہِ ترجمانَن ووٚن زِ پُلیٖس پوسٹ نوا ہٕکہِ أکہِ ٹیٖمَن رُکوو ناکا چیکنگ (چیک پوائنٹ آپریشن) دوران اکھ شَکاوَر شخٕص۔

تِمَو ووٚن زِ تلٲشی دوران اوسُکھ أمۍ سٕنٛدِس قبضَس نِش 1.150 کِلوگرام افیم ہُنٛد چھُس برآمد کوٚرمُت، ییٚمہِ پتہٕ سُہ موقعہٕ پٮ۪ٹھے گِرِفتار کرنہٕ آو۔

مُلزِم سٕنٛز شناخت چھِ گھاٹ ٹوکنا کِس روزَن وٲلِس عبدالخالق وانی سُنٛد نیٚچُو ہلال احمد وانی ناوٕ سۭتۍ کرنہٕ آمٕژ۔

پُلسہٕ ترجمانَن ووٚن بیٚیِہ زِ این ڈی پی ایس ایکٹ کٮ۪ن مُتعلقہٕ دفعاتن تحت چھِ پلوامہ پُلسہٕ تھانس منٛز نمبر 4/2026 تحت ایف آئی آر درٕج کرنہٕ آمٕژ تہٕ مٔزیٖد تفتیش چھِ شُروٗع کرنہٕ آمٕژ۔

تِمَو کٔر عوامس اپیل زِ تِم کٔرِن منشیات ختم کرنَس منٛز پولیسَس سۭتۍ پوٗرٕ تعاون۔