*کینژن دوہن منز دمہ بہ جواب: آغا روح اللہ فاروق عبداللہ سندِس بیانس پیٹھ *

سری نگرٕکۍ ایم پی آغا سید روح اللہ مہدی یَن ووٚن بوموارِ دۄہ زِ سُہ کرِ یِنہٕ والٮ۪ن دۄہَن منٛز نیشنل کانفرنسٕک صدر ڈاکٹر فاروق عبداللہ سٕنٛدِس استعفٕک مطالبُک جواب، ییٚلہِ زِ سُہ چھُ تجرُبہٕ کار رہنُما سُنٛد واریاہ احترام کران۔ خبرو مُطٲبِق ووٚن روح اللہ ہَن صحافیَن سۭتۍ کتھ باتھ کران زِ یہِ چھُ ناممکن زِ فاروق عبداللہ کرِ تٔمِس کینٛہہ منگان تہٕ سُہ چھُنہٕ فراہم کران۔ "بہٕ ہیوٚک نہٕ سُہ خٲلی اتھہٕ سوٗزِتھ۔” روح اللہ اوس ڈاکٹر فاروق سٕنٛدِس تبصرَس مُتلِق أکِس سوالُک جواب دِوان زِ تٔمِس پَزِ لوک سبھا پٮ۪ٹھ استعفیٰ دِیُن تہٕ عوامَس نِش نوٚو مینڈیٹ حٲصِل کرُن۔ "أمۍ چھُ یَتھ وٲنسہِ منٛز کینٛہہ منگمُت۔ بہٕ چھُس تٔمِس احترام۔ بہٕ چھُس نہٕ یژھان زِ سُہ منٛگہِ مےٚ کینٛہہ تہٕ بہٕ دِیہِ نہٕ بدلہٕ کیٚنٛہہ تہِ۔” یہِ پرٛژھنَس پیٹھ زِ کیا سُہ کَرٕ فاروق عبداللہ سُنٛد چلینج قبول، روح اللہ ووٚن زِ سُہ دِیہِ کینٛہَن دۄہَن منٛز جواب