سڑک حٲدثَن ہٕنٛدٮ۪ن چیلنجَن سۭتۍ مُقابلہٕ کرنہٕ خٲطرٕ کٔرۍ روڈ سیفٹی ایڈووکیسی سکیم ہٮ۪تھ واریٛاہ اقدامات نافذقومی روڈ سیفٹی ریتھ یا ہفتہٕ چھُ پرٛٮ۪تھ ؤرۍ یہِ سڑکہِ ہٕنٛدِ حفاظت/ نِتن گڈکری،جموں و کشمیرَس منٛز گٔیہِ 5 ؤریَن منٛز 28,172 سڑک حٲدثہٕ، 8,965 ہلاک۔

سرینگر: مرکزی حکومتن کوٚر انکشاف زِ جموں و کشمیرس منٛز چھِ پٔتمٮ۪ن پانٛژن ؤرۍ یَن منٛز 28,172 سڑک حٲدثہٕ گٔمٕتۍ، یَتھ منٛز 8,965 افراد ہلاک گٔیہِ۔ پٔتِمٮ۪ن پانٛژن ؤرۍ یَن دوران چھِ جموں و کشمیرَس منٛز کُل 28,172 سڑک حٲدثہٕ گٔمٕتۍ، ییٚمہِ کِس نٔتیٖجس منٛز 8,965 افراد ہلاک تہٕ 36,615 زخمی گٔیہِ۔ راجیہ سبھایہ منٛز أکِس تحریری بیانَس منٛز ووٚن مرکزی وزیر روڈ ٹرانسپورٹ تہٕ ہائی ویز نِتن گڈکریَن زِ 2018 ہَس منٛز آیہِ جموں و کشمیرَس منٛز 5,978 حٲدثہٕ درٕج کرنہٕ یِمَن منٛز 984 ہلاکتہٕ تہٕ 7,845 زخمی گژھنٕچ اطلاع آیہِ دِنہٕ۔