زوجِل ٹنل یِیہِ ستمبر 2026 ہَس تام مُکمل کرنہٕ، اَتھ پرٛوجکٹَس پٮ۪ٹھ کٔر 52 فیصد کھۄتہٕ زِیٛادٕ کٲم۔اَمہِ پرٛوجکٹَن کٔر کم از کم 1043 مقٲمی لوکَن روزگار فراہم/نیتن کڈگری

زوجِل ٹنل یِیہِ ستمبر 2026 ہَس تام مُکمل کرنُک اعلان کران، مرکزی وزیر روڈ ٹرانسپورٹ اینڈ ہائی ویز نِتن گڈکری ووٚن زِ اَتھ پرٛوجکٹَس پٮ۪ٹھ چھِ آز تام 52 فی صٔدی کھۄتہٕ زِیٛادٕ کٲم مُکمل گٔمٕژ۔ مرکزی وزیر سڑک، ٹرانسپورٹ تہٕ شاہراہ نِتن گڈکری ووٚن برٛسوارِ دۄہ زِ زوجیلا ٹنل یِیہِ ستمبر 2026 ہَس تام مُکمل کرنہٕ یتھ پٮ۪ٹھ کُل 6,809.69 کرور رۄپیہِ لاگت آسہِ۔ لوک سبھایہ منٛز أکِس سوالَس تحریری جوابَس منٛز ووٚن تٔمۍ زِ زوجیلا ٹنل پروجیکٹَس منٛز چھِ 13.135 کلومیٹر زیوٗٹھ سرنگ تہٕ 17,030 کلومیٹر زیوٗٹھ سرنگہِ کُن گژھَن واجٮ۪ن سڑکہٕ بناوٕنۍ شٲمِل۔ تٔمۍ ووٚن زِ پرٛوجکٹٕچ کُل لاگت چھِ 200 مِلیَن رۄپیہِ۔ 6,809.69 کرور رۄپیہِ تہٕ پرٛوجیٚکٹٕچ جسمٲنی ترقی چھےٚ آز تام 52.13 فیٖصد۔ "پرٛوجیٚکٹ مُکمل کرنُک مُقرر تٲریٖخ چُھ 29 ستمبر 2026۔ تٔمۍ ووٚن بیٚیہِ زِ أمۍ چھِ کم از کم 1,043 مقٲمی لوکَن روزگار دِیُتمُت۔