وزیر اعظمن تُل از نیہِ دِلہِ ہٕنٛزِ یشوبھومی منٛز 10 ہمِس انڈیا موبایِل کانگریسس دس۔

وزیر اعظم نریندر مودی ین تُل از نیہِ دِلہِ ہٕنٛزِ یشوبھومی منٛز 10 ہمِس انڈیا موبایِل کانگریسس دس۔اتھ موقعس پٮ۪ٹھ ووٚن وزیر اعظمن زِ انڈیاموبایِل کانگریس پلیٹ فارمس منٛز چُھ بھارتس منٛز ٹیلی کام شعبن تہٕ ڈیجیٹل کنیکٹوٹی ہٕنٛزِ تبدیلی ہُنٛد مشٲہدٕہ کوٚرمُت۔ تِمو ووٚن زِ أمۍ پلیٹ فارمن چُھ ٹیلی کام شعبس منٛز بھارتی ترقی منٛز اکھ اہم رول ادا کوٚرمُت ۔وزیر اعظمن وۅتلُوو زِ پٔتمٮ۪ن ؤرین منٛز چھےٚ یہِ ترقی تٕہٕنٛزن خٲہِشن ہُنٛد اکھ پلیٹ فارم بٔنِتھ وۅتلِیومُت۔ تِمو ووٚن زِاز چھےٚ 5 جی کنیکٹوٹی مُلکہٕ کِس پرٛتھ ضلعس تام وٲژمٕژ۔ تِمو ووٚن مزید زِ وۅنۍ چُھ درُس مُلکس منٛز 5 جی کنیکٹوٹی دٔسیاب تھاونہٕ باپتھ 5 لچھ 50 ساس کھۅتہٕ زیادٕ بُنیٲدی سٹیشن موجود۔