کٔشیٖرِ منٛز آو سی آٮٔی کے چھاپہٕ، بھرتی ماڈیولُک پردٕ: اہلکار

کاؤنٹر انٹلیجنس کشمیرَن (سی آٮٔی کے) کوٚر بۄموارِ دۄہ صبحٲے وادی کشمیر کٮ۪ن واریٛاہَن ضِلعن منٛز چھاپن دوران دہشت گردَن ہٕنٛدِس أکِس نٔوِس بھرتی ماڈیولُک پردہ فاش۔
یِم چھاپہٕ چھِ سری نگر، گاندربل، بڈگام، بانڈی پورہ، کُلگام، پلوامہ تہٕ اننت ناگَس منٛز کرنہٕ یِوان۔ أکۍ ترجُمانَن ووٚن أکِس بیانَس منٛز زِ سی آٮٔی کے چھُ بۄموارِ دۄہ صُبحٲے وادی کٮ۪ن واریٛاہَن ضِلعن منٛز چھاپہٕ ماران۔ تٔمۍ ووٚن زِ أتھۍ دوران آو أکِس نٔیِس دہشت گرد تنظیم تحریک لبیک یا مسلم کہِ ذٔریعہٕ چلاونہٕ یِنہٕ وول اکھ بھرتی ماڈیول پھٹنہٕ۔ تٔمۍ ووٚن زِ "یہِ تنظیٖم چھِ لشکر طیبہٕچ اکھ شاخ ییٚمِچ سربرٲہی پٲکِستانس منٛز قٲیِم دہشت گرد ہینڈلر بابا حماس کران چھِ”۔
اَتھ مُتعلِق چھِ مزیٖد تفصیٖلَن ہُنٛد انتظار