برکس چھُ عالمی ادارن منٛز ترقی تہٕ اصلاحاتٕک مسلن پٮ۪ٹھ کَتھ باتھ کرنہٕ خٲطرٕ اکھ اَہَم پلیٹ فارم بنیومُت: وزیر اعظم مودی

ؤزیٖر اعظم نریندر مودیَن ووٚن آز زِ ہندوستان چھُ برکسَس واریاہ اہمِیت دِوان تہٕ یہِ گروپ چھُ ترقی تہٕ عالمی تنظیمَن ہٕنٛدٮ۪ن اصلاحاتَن پٮ۪ٹھ کَتھ باتھِ خٲطرٕ اکھ اَہَم پلیٹ فارم بَنیومُت۔
مسٹر مودی چھُ کازانَس منٛز برکس سمٹَس منٛز شِرکت کرنہٕ باپتھ روٗس روانہٕ گوٚمُت۔
کازان گژھنہٕ برٛونٛہہ ووٚن مودیَن سوشل میڈیاہَس پٮ۪ٹھ زِ "بہٕ چھُس تتہِ واریٛاہَن موضوعَن پٮ۪ٹھ ؤسیع بَحَژ کرنُک منتظر”۔ بہٕ چُھس تَتہِ مُختٔلِف رہنُماہن سۭتہِ مِلنہٕ خٲطرٕ تہِ منتظر
16 ہِم برکس سربراہ اجلاس چھُ روٗس کِس صدارتس منٛز مُنعقد کرنہٕ یِوان، مسٹر مودی گُزٲرِ روٗسی صدر ولادیمیر پُٹِن سٕنٛدِس دعوتس پٮ۪ٹھ زٕ دۄہ کازانَس منٛز۔
روٗس روانہٕ برٛونٛہہ ووٚن ؤزیٖرِ اعظمَن أکِس بیانَس منٛز، "ہِنٛدُستان چُھ برِکس مُلکن درمِیان قریبی تعاونَس قدر کران۔