کپوٲرِس منٛز نار، 4 رِہٲیشی مکان، 3 گٲو گان تہٕ ترٛےٚ دُکان خاکستر۔

شُمٲلی کٔشیٖرِ ہِنٛدِس کُپواڑہ ضِلعہٕ کِس بَٹاپوٗرا حیہاما علاقس منٛز بَٹہٕ وارِ دۄہ رٲژ نار لگنہٕ سۭتہِ گٔیہِ ژور رِہٲیشی گَھرٕ، ترٛےٚ گٲو شیڈ تہٕ ترٛےٚ دُکان۔
ذٔرایعن ووٚن زِ نار لوٚگ رٲژ دوران کپواڑہ کِس بٹاپورہ ہیہاماہَس منٛز، ییٚمۍ سٕنٛدۍ شعلہٕ أنٛدۍ پٔکھۍ ڈانچَن لٔگۍ۔ تٔمۍ ووٚن زِ نارَس منٛز گٔیہِ ژور رِہٲیشی مکان، ترٛےٚ گٲو شیڈ تہٕ ترٛےٚ دُکان۔ تٔمۍ ووٚن زِ فائر ٹینڈرَن تہٕ مقٲمی لوکَن کوٚر نارَس پٮ۪ٹھ قوبوٗ تہٕ رُکٲوُکھ یہِ بیٚیہِ پھٔہلنہٕ نِش۔
فائر اینڈ ایمرجنسی ڈپارٹمنٹٕکۍ أکۍ اہلکارَن ووٚن زِ "اسہِ مِلییہِ شامَس لگ بگ 10 بجہِ نار لگنٕچ اطلاع تہٕ سوٗزۍ گاڑِ تہٕ عملہٕ اَکی وِزِ واقعہٕ جایہِ پٮ۪ٹھ۔” أتھہِ دوران چھِ مقٲمی لوٗکَو حکوٗمتَس اپیل کٔرمٕژ زِ سُہ کرِ مُتٲثِریٖنَن فوری راحت فراہم تاکہ تِم ہٮ۪کَن یِنہٕ وٲلِس ونٛدَس منٛز پنٕنۍ کلہٕ ژوٗرِ تھٲوِتھ۔