کٔشیٖرِ منٛز نار لگنہٕ کیٚن دۄن مُختٔلِف واقعن منٛز گٔیہِ ترٛےٚ رِہٲیشی مکان، ترٛےٚ دُکان تہٕ اکھ گٲو گان خاکستر۔

وادی کشمیرَس منٛز نار لگنہٕ کٮ۪ن دۄن الگ الگ واقعَن منٛز گٔیہِ ترٛےٚ رِہٲیشی مکان، ترٛےٚ دُکان تہٕ اکھ گاو شیڈ۔ جنوٗبی کشمیر کِس کُلگام ضِلعہٕ کِس دادر کوٹ علاقَس منٛز نار لگنہٕ کِس واقعَس منٛز گوٚو ترٛےٚ رِہٲیشی مکانَن تہٕ أکِس گٲو شیڈَس نۄقصان واتناونہٕ۔ تٔمۍ ووٚن زِ نار لوٚگ صبحٲے تقریباً 2.30 بجہِ ییٚمہِ سۭتۍ ترٛےٚ زٕ منزلہٕ رِہٲیشی مکانَن نۄقصان واتنوو۔ تٔمۍ ووٚن زِ نار آو قابو کرنہٕ مگر خۄش قٕسمتی سۭتۍ گوٚو نہٕ کانٛہہ تہِ جٲنی نۄقصانٕچ اطلاع۔
تٔمۍ ووٚن زِ نار لگنُک وجہ چھُ معلوم یِوان کرنہٕ۔ أتھہِ دوران گٔیہِ جُمعہ دۄہ صُبحٲے شُمٲلی کٔشیٖرِ ہِنٛدِس سوپور قصبہٕ کِس ترزو علاقس منٛز نار لگنہٕ کِس واقعس منٛز ترٛےٚ دُکان زالنہٕ۔
نار تہٕ ہنگٲمی محکمہٕ کِس أکِس اہلکارَن ووٚن زِ نار لوٚگ جُمعہ دۄہ صبحٲے 5.20 بجہِ سوپور کِس تارزو علاقَس منٛز۔ تٔمۍ ووٚن زِ نارَس منٛز گٔیہِ ترٛےٚ دُکان زالنہٕ۔