کٔشیٖرِ منٛز چُھ سرد ونٛدٕ، زوجیلا ہَس منٛز درجہ حرارت منفی 23 ڈگری سیٚلسِیَس ریکارڈ۔

وادی کٔشیٖرِ منٛز سرد ونٛدٕ سۭتۍ چھِ لوٗکَن ہٕنٛز حالت مُشکِل گٔمٕژ حالانٛکہِ رٲژ ہُنٛد درجہٕ حرارتَس منٛز چھُ تھوڑا بہتری آمٕژ۔
موسمیات محکمہٕ مُطٲبِق چھُ وادی منٛز یِنہٕ وٲلۍ 24 گھنٹَن دوران خۄشٕک موسمَس منٛز سرد لہر جٲری روزنُک امکان۔
جٔنوٗبی کٔشیٖرِ ہُنٛد شوپیاں ضِلعہٕ اوس وادی ہُنٛد سارِوٕے کھۄتہٕ سرد حِصہٕ ییٚتہِ کم درجہ حرارت منفی 6.3 ڈگری سیٚلسِیَس اوس، ییٚلہِ زن زوجیلاہَس منٛز منفی 23.0 ڈگری سیٚلسِیَس رِکارڈ کرنہٕ آمُت اوس۔
رٮ۪تہٕ کٲلِچ رازدٲنہِ سری نگرَس منٛز چھُ کم درجہ حرارت منفی 3.4 ڈگری سیلسیس ریکارڈ کرنہٕ آمُت، یُس پٔتمہِ رٲژ منفی 3.4 ڈگری سیلسیس کم اوس۔
وادی ہُنٛد اکھ مشہوٗر سیاحتی مُقام گلمرگَس منٛز چھُ کم درجہ حرارت منفی 4.0 ڈگری سیلسیس ریکارڈ کرنہٕ آمُت، یُس پٔتمہِ رٲژ منفی 3.8 ڈگری سیلسیس کم اوس۔
وادی ہُنٛد بیٛاکھ اکھ مشہوٗر سیاحتی مُقام پہلگامَس منٛز چھُ کم درجہ حرارت منفی 5.0 ڈگری سیلسیس ریکارڈ کرنہٕ آمُت ییٚلہِ زن پٔتمہِ رٲژ منفی 4.8 ڈگری سیلسیس درجہ حرارت اوس۔