کٔشیٖرِ منٛز خۄشٕک موسم، سیاحتی مُقام گُلمرگ، پہلگام تہٕ سونہ مرگ سارِوٕے کھۄتہٕ سرد مقام۔

وادی کشمیر کٮ۪ن زیادٕ تر جایَن منٛز چھِ ونٛدَس منٛز ہلکہٕ کمی درج کٔرمٕژ تِکیٛازِ رٲژ ہُنٛد درجہٕ حرارت اوس منجمد نقطہٕ کھۄتہٕ زِیٛادٕ ریکارڈ کرنہٕ آمُت، مگر گلمرگ، پہلگام تہٕ سونامرگ کٮ۪ن سیٲسی مقامَن پٮ۪ٹھ روٗد لٔگِتھ سرد۔ وادی ہُنٛد اکھ مشہوٗر سیاحتی مُقام گلمرگَس منٛز چھُ کم درجہ حرارت منفی 6.6 ڈگری سیلسیس ریکارڈ کرنہٕ آمُت، یُس پٔتمہِ رٲژ منفی 4.5 ڈگری سیلسیس کم اوس۔
وادی ہُنٛد بیٛاکھ اکھ مشہوٗر سیاحتی مُقام پہلگامَس منٛز چھُ کم درجہ حرارت منفی 7.8 ڈگری سیلسیس ریکارڈ کرنہٕ آمُت، یُس پٔتمہِ رٲژ منفی 1.4 ڈگری سیلسیس کم اوس۔ جٔنوٗبی کٔشیٖرِ ہُنٛد بیٛاکھ اکھ مشہوٗر سیاحتی مُقام سونامارگَس منٛز چھُ کم درجہ حرارت منفی 11.4 ڈگری سیلسیس رِکارڈ کرنہٕ آمُت۔ وادی کٮ۪ن باقٕے حِصن منٛز چھُ رٲژ ہُنٛد درجہٕ حرارتس منٛز بہتری آمٕژ۔
رٮ۪تہٕ کالہِ رازدٲنہِ سری نگرَس منٛز چھُ کم درجہ حرارت 0.9 ڈگری سیلسیس رِکارڈ کرنہٕ آمُت یُس پٔتمہِ رٲژ منفی 0.5 ڈگری سیلسیس اوس