بالٲئی علاقن کٔشیٖرِ منٛز چُھ شیٖن جٲری ییٚلہِ زن مٲدٲنی علاقن منٛز روٗد جٲری چُھ۔۔

موسمیات محکمہٕ چہِ پیشن گویی مُطٲبِق چھِ وادی کشمیر کٮ۪ن پہٲڑی علاقن منٛز سیاحتی مقامات گلمرگ تہٕ پہلگام ہٮ۪تھ مٲدٲنی علاقن منٛز وقفہٕ وقفہٕ سۭتۍ شین تہٕ روٗد پٮ۪وان۔ ذٔرایعن ووٚن زِ گلمرگ تہٕ پہلگامَس منٛز آو بِلترتیب 10 سینٹی میٹر تہٕ 3.5 سینٹی میٹر تازٕ شیٖن پٮ۪وان، ییٚلہِ زن سرحدی ضلعہٕ کپواڑہَس منٛز 2.5 سینٹی میٹر شیٖن رِکارڈ کرنہٕ آمُت۔ مُتعلقہٕ محکمہٕ کِس ترجُمانَن ووٚن زِ وادی منٛز چھُ ژٔنٛدٕروارِ دۄہ 3 مارٕچ زِیٛادٕ تَر جایَن ہلکہٕ پٮ۪ٹھٕ درمیٲنی شیٖن یا روٗد پٮ۪وان تہٕ اتھ وقتس دوران چھُ شُمٲلی تہٕ وسطی کمشیر کٮ۪ن پہٲڑی علاقن منٛز درمیٲنی پیٹھہٕ سٮ۪ٹھاہ شیٖن پیٚنُک اِمکان۔ تٔمۍ ووٚن زِ 4 پٮ۪ٹھ 9 مارٕچ تام روزِ موسم خۄشٕک روزنُک اِمکان۔
ترجُمانَن ووٚن زِ وادی منٛز چھُ 10 پٮ۪ٹھ 12 مارٕچ تام بیٚیہِ اکہِ لٹہِ شیٖن پیٚنُک اِمکان۔ پننِس مشورَس منٛز چھُ محکمَن سیاحَن، مسافرَن تہٕ ٹرانسپورٹرَن ٹریفک ایڈوائزری پٮ۪ٹھ عمل کرنُک ووٚنمُت، ییٚلہِ زَن زٔمیٖن دارَن چھُ 4 وننہٕ آمُت