شوپیانَس منٛز نار، ترٛےٚ تجٲرتی عمارتہٕ، اکھ رِہٲیشی مکان گوٚو دٔزِتھ سوٗرۍ۔

سری نگر: جنوٗبی کشمیر کِس شوپیاں ضلعہٕ کِس ہیرپورہ مین مارکیٹَس منٛز بۄموارِ دۄہ صُبحٲے گٔیہِ ترٛےٚ تجٲرتی عمارتہٕ تہٕ اکھ رِہٲیشی مکان۔
فائر اینڈ ایمرجنسی سروسٕکۍ أکۍ اہلکارَن ووٚن زِ "سٲنِس کنٹرول رومس مِلیوٚو بوموارِ دۄہ صبحٲے 3.40 بجہِ شوپیاں کِس ہیرپورہَس منٛز بٔڑِس پیمانَس پٮ۪ٹھ نار لگنٕچ فون”۔
تٔمۍ ووٚن زِ اطلاع مِلنہٕ پتہٕ آیہِ زٕ فائر ٹینڈر واقعہٕ جایہِ پٮ۪ٹھ واتناونہٕ، مگر نارٕچ شدت وُچھِتھ آیہِ مُختٔلِف فائر سٹیشنَو پٮ۪ٹھ بیٚیہِ پانٛژھ فائر ٹینڈر بُلاونہٕ۔