میر بازار سڑک حٲدثس منٛز گٔیہِ 9 سیاح زخمی۔

برٛسوارِ دۄہ صُبحٲے گٔیہِ سری نگر-جموں شاہراہَس پٮ۪ٹھ اکھ ٹرولر حٲدثہٕ گژھنہٕ سۭتۍ نَو سیاح زخمی ۔
خبرو مُطٲبِق گٔیہِ نَو سیاح زخمی ییٚلہِ برٛسوارِ دۄہ صُبحٲے سِریٖنَگر-جٔموٗ شاہراہس پیٚٹھ ناپورہ میر بازرس نزدیٖک سڑکہِ پٮ۪ٹھ اَکھ ٹرٛولر قوبوُ نِش نٮ۪بر گوٚو تہٕ سڑکہِ پٮ۪ٹھ پلٹِتھ ۔
ییٚلہِ یہِ حٲدثٕچ اطلاع آیہِ دِنہٕ، مقٲمی لوٗکھ وٲتہِ موقعہٕ پٮ۪ٹھ تہٕ بچٲوِن گاڑِ منٛز پھٔسِتھ سیاح تہٕ کٔرِکھ تِم ہسپتالَس منٛز منتقل۔
پُلیٖس ذٔرایعن کٔر حٲدثٕچ تصدیٖق تہٕ ووٚن زِ ٹرٛولر سٕنٛدِ حٲدثہٕ کِس نٔتیٖجس منٛز گٔیہِ نَو سَیاح زخمی۔
تٔمۍ ووٚن زِ زخمیَن آیہِ علاج خٲطرٕ گورنمنٹ میڈیکل کالج اننت ناگ منتقل کرنہٕ۔
زخمیَن ہٕنٛز شناخت چھِ راجستھانُک وکرم کُمار، راہول، آندھرا پردیشُک اوالا کرشنا، اتر پردیشُک آفتاب، ممبئیُک شنبو، رام لال، وویک کمار، کلوا ممبئیُک انیل کمار پٲٹھۍ کرنہٕ آمُت۔
أتھہِ دوران چُھ پُلیٖسن اَکھ مُقدِمہٕ درٕج کوٚرمُت تہٕ حٲدثُک وجہہ معلوم کرنہٕ خٲطرٕ کٔرٕن تٔحقیٖق شُروٗع۔