سوشل میڈیاہَس پٮ۪ٹھ فرقہ وارانہٕ مواد پٔھہلاونٕچ کوٗششہِ منٛز اکھ گِرِفتار: سری نگر پولیس

سوشل میڈیاہَس پٮ۪ٹھ فرقہ وارانہٕ نفرت پٲدٕ کرنٕچ کوٗششہِ ہُنٛد نوٹس نِتھ چھُ سری نگر پولیسَن اکھ شخٕص پرژھ گٲر کرنہٕ باپتھ حراستَس منٛز نِمُت۔
پولیسَن چھُ لوٗکَن سوشل میڈیا پلیٹ فارمَن پٮ۪ٹھ فرقہ وارانہٕ مواد پوسٹ کرنہٕ نِش پرہیز کرنُک زور دِیُتمُت۔
سری نگر پولیسَن ووٚن برٛسوارِ دۄہ ‘ایکس’ پٮ۪ٹھ أکِس پوسٹَس منٛز زِ سرینگر پولیسَن وُچھ سوشل میڈیاہَس پٮ۪ٹھ فرقہ وارانہٕ تقسیم پٲدٕ کرنٕچ کوٗشش۔
تٔمۍ ووٚن زِ "اکھ نفر چھُ پرژھ گٲر کرنہٕ باپتھ حراستَس منٛز نِنہٕ آمُت ییٚلہِ زَن باقٮ۪ن ہٕنٛز شناخت چھِ آمٕژ کرنہٕ”۔
پولیسَن چھُ لوٗکَن فرقہٕ وارانہٕ مواد پوسٹ کرنہٕ نِش پرہیز کرنُک زور دِیُتمُت نَتہٕ پیٚیہِ تِمَن قونوٗنی کاروٲی