یِنہٕ والٮ۪ن پانٛژن دۄہَن دوران کٔشیٖرِ منٛز موسم خۄشٕک تہٕ خۄشگوار روزنُک اِمکان۔

بھارتی موسمیات محکمہٕ (آئی ایم ڈی) چھُ پیشین گوئی کٔرمٕژ زِ وادی کشمیرَس منٛز روزِ یِنہٕ والٮ۪ن پانٛژن دۄہَن دوران عام طور خۄشٕک تہٕ خوشگوار روزنُک امکان۔
مُتعلقہٕ محکمہٕ کِس ترجُمانَس مُطٲبِق ہیٚکہِ وادی منٛز 11 اپریل دۄہ موسم اوٚبُر روزِتھ تہٕ اتھ وقتس دوران ہیٚکہِ واریٛاہَن علاقَن منٛز گجَرِ سۭتۍ روٗد پیٚتھ۔
تٔمۍ ووٚن زِ وادی منٛز چھِ 30-40 کلومیٹر فی گھنٹہٕ رفتارٕ سۭتۍ تیز ہوہُک تہِ امکان۔