اننت ناگَس منٛز این ڈی پی ایس ایکٹَس تحت اکہِ کرور کھۄتہٕ زِیٛادٕ مالٕچ جائیداد ضبط: پولیس
منشیاتٕچ سمگلنگ خٕلاف پنٕنۍ بٔڑِس پیمانَس پٮ۪ٹھ مُہِم جٲری تھوِتھ چھِ انانتناگ پولیسَن پوٗرٕ ضِلعَس منٛز واریٛاہَن معاملَن منٛز نشہ آور دوا فروشَن ہٕنٛز تقریباً 1.2 کروڑ رۄپیَن ہٕنٛز جائیداد ضبط کٔرمٕژ۔
تفصیٖل دِوان ووٚن پُلیٖسٕکہِ ترجُمانَن زِ اننت ناگ پُلیٖسن چُھ ایٚن ڈی پی ایٚس ایٚکٹ کِس سیکشن 68-F تحت سِلار اننت ناگس منٛز اَکھ منزلہٕ رِہٲیشی مکان تہٕ اَکھ کنال زٔمیٖن ضبط کٔرمٕژ۔
تٔمۍ ووٚن زِ یہِ جائیداد چھِ سالار کِس روزَن وٲلِس عبدالعزیز وانی سٕنٛدِس نیٚچِوِس بشیر احمد وانی سٕنٛز یُس پُلیٖس تھانہ سری گفوارہ ہَس منٛز بٔڑِس مقدارَس منٛز پوست برآمد گژھنَس مُتعلِق درج ایف آٮٔی آر نمبر 65/2018 منٛز شٲمِل چھُ۔