پٲکِستٲنۍ فوجَن کٔر کٔشیٖرِ منٛز لائن آف کنٹرولَس (ایل او سی) پٮ۪ٹھ پوٗنٛژمہِ دۄہہٕ تہِ فایرنگ ۔

پٲکِستٲنۍ فوجَن کٔر بۄموارِ دۄہ لگاتار پوٗنٛژمہِ دۄہ جموں و کشمیر کِس نوشہرہ، سندربنی تہٕ اکھنور سیکٹرَن منٛز لائن آف کنٹرول (ایل او سی) پٮ۪ٹھ بےٚ اشتعال لۄکٹٮ۪ن ہتھیارن ہٕنٛز فائرنگ ۔
فوج کِس ترجمانَن ووٚن بۄدوارِ دۄہ صُبحٲے زِ اَمہِ علاوٕ گٔیہِ بارہمولہ تہٕ کُپواڑہ ضِلعن منٛز لائن آف کنٹرول (ایل او سی) اَپارِ تہٕ پرگوال سیکٹرَس منٛز بین الاقوٲمی سرحدَس اَپارِ پٲکِستٲنہِ فوجی چوکِیو پٮ۪ٹھ بےٚ اشتعال گولہٕ بٲری۔ ہِنٛدُستٲنہِ فوجَن دِیُت فوری تہٕ تناسب سان جواب۔
یہِ کَتھ گژھِ نوٹ کرٕنہِ زِ پٲکِستٲنہِ فوج چھُ پٔتمہِ پانٛژو دۄہَو پٮ۪ٹھٕ لائن آف کنٹرولَس پٮ۪ٹھ بغٲر اشتعال فائرنگ کران، ییٚمیُک صحیح جواب چھُ دِنہٕ یِوان۔