پٔتمہِ رٲژ اوس جموں و کشمیر سرحدن پٮ۪ٹھ تہِ امن: فوج

ہندوستان تہٕ پاکستان کٮ۪ن مسلح فوجن درمیان جنگ بندی ہٕنٛدِ معاہدٕ پتہٕ گوٚو آتھٕوارِ دۄہ رٲژ جموں و کشمیرس منٛز تہٕ سرحدن سۭتۍ امن قٲئم۔ فوجن دِژ ژٔنٛدٕروارِ دۄہ صُبحٲے اطلاع زِ جموں و کشمیر تہٕ بین الاقوٲمی سرحدَس سۭتۍ سۭتۍ باقٕے علاقَن منٛز ٲس رٲژ واریٛاہ حدَس تام پُرامن ۔ کُنہِ تہِ قٕسمٕکہِ واقعہٕ آیہِ نہٕ اطلاع دِنہٕ۔ فوجن ووٚن زِ یہِ ٲس حالٕے دۄہَن منٛز گۄڈٕنِچ رٲژ ییٚلہِ سرحَدن پٮ۪ٹھ امن اوس۔ یہِ چھُ قٲبلِ ذِکِر زِ پہلگامَس منٛز دہشت گرد حملہٕ کِس جوابَس منٛز اوس پٲکِستان ہِنٛدُستان کہِ طرفہٕ شُروٗع کرنہٕ آمٕتہِ آپریشن سندوٗرَس دوران 100 کھۄتہٕ زِیٛادٕ دہشت گرد مارنہٕ پتہٕ ہِنٛدُستٲنہِ شہری تہٕ فوجی مقامَن نشانہٕ بناوان۔ ہِنٛدُستٲنہِ فوجٕچہِ زبردست جوابی کاروٲیی سۭتہِ مایوس گژھِتھ ٲس پٲکِستانن بَٹہٕ وارِ دۄہ شامَس پیٚٹھٕ فوجی کاروٲیی بنٛد کرنٕچ پیشکش کٔرمٕژ۔ اَمہِ پتہٕ آیہِ سرحدَس پٮ۪ٹھ فوجی کاروٲیی رُکاونہٕ۔