سیاحتس فروغ دِنہٕ خٲطرٕ کوٚر جموں و کشمیر اپنی پارٹی جھیلِ ڈلس منٛز اکہِ شِکارا ریلی ہُنٛد اہتمام ۔

وادی کشمیرس منٛز سیاحت کِس شعبس فروغ دِنہٕ خٲطرٕ کوٚر جموں و کشمیر اپنی پارٹی بۄدوارِ دۄہ عالمی مشہوٗر ڈل جھیلَس پٮ۪ٹھ اکھ شکارا ریلی۔ ریلیہِ ہٕنٛز قیادت کٔر پارٹی صدر سید الطاف بخاریَن تہٕ اَتھ منٛز ٲسۍ پارٹی ہٕنٛدۍ بٔڑۍ رہنُما تہٕ واریٛاہ تعدادَس منٛز کارکُن شِرکت کٔرمٕژ یِم ‘سیاح چھِ سانہِ محمان، کشمیر چھِ سانہِ زِنٛدٕگی’ ہِوۍ نعرٕ لگاوان۔ الطاف بخاریَن ووٚن میڈیاہَس زِ: ‘آز کوٚر أسۍ مُلکَس منٛز لوٗکَن یہِ پیغام سوزنہٕ خٲطرٕ اکھ شِکارا ریلی ہُنٛد اہتمام زِ کٔشیٖر چھُ تُہنٛدِ پیٛاران تہٕ چھُ محفوٗظ، لہاذا آو بٔڑِس تعدادَس منٛز۔’