ایران پٮ۪ٹھٕ کڑنہٕ آمٕتۍ جموں و کشمیرٕک 94 طالب علم وٲتۍ محفوٗظ پٲٹھۍ دِلہِ : عمرعبداللہ

وزیر اعلیٰ عمر عبداللہَن ووٚن زِ ایران پٮ۪ٹھ کڑنہٕ آمٕتۍ جموں و کشمیرٕک 94 طالب علم چھِ محفوظ پٲٹھۍ دِلہِ وٲتۍمٕتۍ۔ تٔمۍ کوٚر ذِکِر زِ حکوٗمت چھِ تِہنٛدٮ۪ن گَرَن تام ہموار سفر یقینی بناونہٕ خٲطرٕ نقل و حملُک اِنتِظام کران۔ برٛسوارِ دۄہ صُبحٲے عمر عبداللہ سٕنٛدِس دفتر کِس ‘ایکس’ ہینڈلَس پٮ۪ٹھ أکِس پوسٹَس منٛز چھُ نوٹ کوٚرمُت: ‘ایران پٮ۪ٹھ کڑنہٕ آمٕتۍ سٲنۍ 94 طالبہِ علِم چھِ محفوظ پٲٹھۍ دِلہِ وٲتۍمٕتۍ۔’ پوسٹَس منٛز چھُ بیٚیہِ ذِکِر کرنہٕ آمُت: ‘حکوٗمت چھِ یِہنٛدٮ۪ن گَرَن تام ہموار سفر یقینی بناونہٕ خٲطرٕ ٹرانسپورٹُک انتظام کران، یُس یِنہٕ والٮ۪ن کینٛہَن گٲنٛٹن منٛز مُکمل یِیہِ۔’ امہِ برٛونٛہہ اوس ذِکِر کرنہٕ آمٕتہِ ‘X’ ہینڈلَس پٮ۪ٹھ أکِس پوسٹَس منٛز نوٹ کرنہٕ آمُت: ‘وزیر اعلیٰ یَن کوٚر ایران پٮ۪ٹھٕ جموں و کشمیرَس تام نِنہٕ والٮ۪ن طالبہِ علمَن واتناونہٕ خٲطرٕ بسن ہِنٛدِس معیارُک نوٹس۔’ تٔمۍ ووٚن: ‘ریزیڈنٹ کمشنر چھُ جے کے آر ٹی سی یَس سۭتۍ ہم آہنگی ہُنٛد ذمہٕ دِنہٕ آمُت تاکہِ یہِ یٔقیٖنی بناونہٕ زِ ڈیلکس بسن ہُنٛد مُنٲسِب اِنتِظام یِیہِ کرنہٕ۔’ یہٕ چُھ قٲبلِ ذِکر زِ ایران تہٕ اسرایلس درمیان جٲری جنگن کٔر یِم انخلا کرنٕچ ترغیب ۔