کٔشیٖر: گرمہٕ تہٕ خشک سالی کِنۍ چھُ میوَن تہٕ پوشن ہٕنٛدِس پٲداوارَس منٛز نمایاں کٔمی ہُنٛد خدشہٕ۔
وادی کشمیرَس منٛز جٲری شدید گرمہٕ تہٕ لگاتار خۄشٕک موسمَن چھُ علاقُک ساروِی کھۄتہٕ اَہَم اقتصٲدی شعبہٕ باغبانی سنگین خطرَس منٛز ترٛوومُت۔ ماہرینن تہٕ باغہٕ مالکن ہنٛد ونُن چُھ زِ موجودٕ موسمی حالات چِھنہٕ صرف موجودٕ فصلس نقصان واتناوان بلکہ ینہٕ والن ؤرین منٛز ہیکن کُلیٛن تہٕ پوشن ہٕنٛدِس پٲداوارس تہٕ صحتس پیٹھ منفی اثر ترٲوتھ۔ وسطی کشمیرَس منٛز چھِ ژرار شریف کِس مشہوٗر پھل مرکزٕکٮ۪و پھل تاجرَو چُھ جٲری شدید گرمہٕ تہٕ طویل خشک سٲلی پٮ۪ٹھ سٮ۪ٹھاہ تشویش ظٲہر کوٚرمُت تہٕ ووٚنمُت زِ ییٚمہِ ؤریہِ چھِ ٹنٛگ تہٕ ژوٗنٛٹھۍ فصل سٮ۪ٹھاہ متٲثر گوٚمُت۔