لیہَس منٛز معمول بحال کرنہٕ خٲطرٕ انتظامیہ تہٕ سول سوسائٹی درمیان اَہَم کتھ باتھ.

لداخ انتظامیہ ہَن کٔر برٛسوارِ دۄہ لیہہ ہَس منٛز سول سوسائٹی، سیٲسی جماعتَن تہٕ مذہبی رہنُماہن ہٕنٛدٮ۪ن نُماینٛدَن سۭتۍ اکھ اَہَم میٹنگ، ییٚمیُک مقصد پٔتمہِ رٮ۪تہٕ تشدُد واقعہٕ پتہٕ خطس منٛز امن و امان بحال کرنٕکۍ اقداماتَس پٮ۪ٹھ کتھ باتھ کرٕنۍ چھِ۔ سرکٲرِ ذرایعو مُطٲبِق کٔر اجلاسٕچ صدارت چیف سیکریٹری پون کوتوالَن ییٚلہِ زَن ڈی جی پی ایس ڈی سنگھ جاموال، لیہ ایپکس باڈی ہُک چیئرمین تھپستان چھوانگ، شریک چیئرمین چیرِنگ دورجے لہارگیوک، تہٕ لداخ آٹونومس ہل ڈیولپمنٹ کونسل لیہہ ہُک چیئرمین تہٕ چیف ایگزیکٹیو کونسلر تاشی گیالسن تہِ موجود ٲسۍ۔ اِجلاسَس منٛز کٔر بی جے پی، کانگریس، تہٕ عام آدمی پارٹی ہٕنٛدِ سینئر رہنُما، مشہوٗر بودھ مذہبی سربراہ، ڈپٹی کمشنر رومِل سنگھ ڈونک، تہٕ ایس ایس پی شروتی اروڑہ تہِ شرکت۔