پی آئی بی جموں و کشمیر میڈیا وفدَن کوٚر آئی آئی ٹی بمبئی تہٕ محکمہٕ ایٹمی توانٲیی ہُنٛد دورٕ.*وفدَن دِژ سیمی کنڈکٹرز، جدت طرازی تہٕ پرامن نیوکلیر توانٲیی ہٕندِس استعمالس مَنز ہِندوستانٕچ پیشرفت مُتعلِق زانکٲری *

پریس انفارمیشن بیورو جموں و کشمیر کہِ زیر اہتمام ممبئیہِ ہُنٛد جٲری پریس دورٕ کِس حِصہٕ پٲٹھۍ کوٚر جموں و کشمیر پیٹھٕ میڈیا نُمٲینٛدَن ہُنٛد اَکہِ وفدَن اَز انڈین انسٹی ٹیوٹ آف ٹیکنالوجی (آٮٔی آٮٔی ٹی) بمبئی تہٕ محکمہ ایٹمی توانٲیی (ڈی اے ای) ہُک دورٕ۔ یِمَن دورَن ہُنٛد مقصد اوس میڈیا نُمٲینٛدَن ہندوستانٕچ ساینسی ترقی تہٕ ٹیکنالوجی تہٕ توانٲیی منٛز جدت طرازی پٮ۪ٹھ مبنی تحقیقَس سۭتۍ وٲقف کرُن۔

پی آئی بی جموں ہٕنٛز ڈائریکٹر محترمہ نیہا جلالی ہٕنٛز قیادتَس منٛز ٲس وفدَس سۭتۍ آی آی ٹی بمبیہِ ہٕنٛز پی آر او محترمہ فگونی بنرجی تہِ شٲمِل۔ آی آی ٹی بمبئیَس منٛز کوٚر مندوبین نینو ٹیکنالوجی لیبہِ ہُنٛد دورٕ تہٕ نیشنل سیمی کنڈکٹر مشنَس مُتعلِق بریفنگ حٲصِل، ییٚمیُک مقصد ہندوستانَس الیکٹرانکس مینوفیکچرنگ تہٕ ڈیزائنُک عالمی مرکز پٲٹھۍ قٲیِم کرنہٕ خٲطرٕ اکھ مضبوٗط سیمی کنڈکٹر تہٕ ڈسپلے ایکو سسٹم بناوُن چھُ۔