سرینگرَس منٛز ممنوعہ تنظیمَن سۭتۍ وابسطہٕ او جی ڈبلیوَن ہٕنٛدٮ۪ن گَھرن پٮ۪ٹھ چھاپہٕ: پولیس

پولیسَن ووٚن زِ ملی ٹنٹ نیٹ ورک ختم کرنہٕ تہٕ غٲر قونوٗنی سرگرمیَن رُکاونہٕ خٲطرٕ جٲری کوٗشِشن ہٕنٛدِ حصہٕ پٲٹھۍ کٔر سرینگر پولیسَن غٲر قونوٗنی سرگرمیَن (روک تھام) ایکٹ (یو اے پی اے) تحت تحقیقات کِس سلسلَس منٛز شہر کٮ۪ن مُختٔلِف حِصَن منٛز بٔڑِس پیمانَس پٮ۪ٹھ چھاپہٕ۔ تِمَو ووٚن زِ یِم چھاپہٕ آیہِ ملی ٹنٹ حٲمِیَن تہٕ ممنوعہ ملی ٹنٹ تنظیمَن سۭتۍ وابستہٕ اوور گراؤنڈ ورکرَن (او جی ڈبلیو) ہِنٛدٮ۪ن گَرَن پٮ۪ٹھ کرنہٕ۔ پُلسہٕ کہِ ترجمانَن وون زِ دہشت گردَس مُتلِق سرگرمیَن منٛز مدد یا سہولت دِنہٕ یِنہٕ والٮ۪ن نفرَن نشانہٕ بناونہٕ خٲطرٕ آیہِ سرینگر کٮ۪ن مُختٔلِف علاقَن منٛز مربوط تلاشٕچ کاروٲیی کرنہٕ .