عمرعبداللہ ہَن کوٚر کولگام سرینگرس منٛز مُختٔلِف محکَمن ہٕنٛدٮ۪ن سٹالَن ہُنٛد دورٕ۔

جموں و کشمیرٕک وزیر اعلیٰ عمر عبداللہ ہَن کوٚر جُمعہ دۄہ جنوبی کشمیر کِس کولگام ضِلعَس منٛز مُختٔلِف محکَمَن ہٕنٛدِ دٔسۍ لگاونہٕ آمٕتۍ سٹالَن ہُنٛد دورٕ، یَتہِ سرکٲرۍ سکیمَن، عوٲمی بہبودٕکۍ اقدامات، تہٕ فلیگ شپ پروگرامَن تحت کامیٲبی ہُنٛد نُمٲیِش آیہِ کرنہٕ۔ دورَس دوران کٔر تٔمۍ افسرَن تہٕ شہرین سۭتۍ کتھ باتھ یِمَن یِمَو پروگرامَو سۭتۍ فٲیدٕ تُلان۔ یہِ زانکٲری آیہِ وزیر اعلیٰ سٕنٛدِ دفتر کِس ‘X’ ہینڈلَس پٮ۪ٹھ أکِس پوسٹ کہِ ذٔریعہٕ دِنہٕ۔ پوسٹَس منٛز اوس ونٛنہٕ آمُت: ‘وزیر اعلیٰ عمر عبداللہ ہَن کوٚر آز کولگامَس منٛز مُختٔلِف محکَمَن ہٕنٛدِ دٔسۍ قٲیِم کرنہٕ آمٕتۍ سٹالَن ہُنٛد دورٕ، ییٚتہِ سرکٲرۍ سکیمَن، عوٲمی بہبودٕکۍ اقدامات، تہٕ فلیگ شپ پروگرامَن تحت کامیٲبِین ہٕنٛز نُمٲیِش آیہِ کرنہٕ’۔ پوسٹَس منٛز وونُکھ بیٚیہِ زِ: ‘تٔمۍ کٔر افسرَن تہٕ مستحقین سۭتۍ رٲبطہٕ تہٕ کٔرٕن شہریَن پٮ۪ٹھ مرتکز حکمرانی تہٕ موثر خٔدماتن ہٕنٛز فراہمیَس خٲطرٕ یِنہٕ واجٮ۪ن کوٗشِشن ہٕنٛز تعریٖف۔