سوپورَس منٛز 4 فرار نفر گِرِفتار: پولیس

واریاہ کالہٕ پٮ۪ٹھٕ فرار شکاوَر افرادَن خٕلاف کاروٲیی جٲری تھٲوِتھ چھِ سوپور پولیسَن ژور فرار گِرِفتار کٔرمٕتۍ، یِمو منٛز ترٛےٚ شٔدیٖد مُجرِمانہٕ معاملَن منٛز مطلوب ٲسۍ۔ پُلسہٕ ترجمانَن ووٚن زِ پنزالا پُلیٖس تھانہٕ کہِ أکہِ خصوٗصی ٹیٖمَن کٔر ترٛےٚ شکاوَر افراد گِرِفتار یِم پنزالا پُلیٖس تھانس منٛز آر پی سی کِس دفعہٕ 363، 376 تہٕ 109 ہس تحت درٕج ایف آیی آر نمبر 10/2024 تحت مطلوب ٲسۍ۔ تٔمۍ ووٚن زِ یِم شَکاوَر چھِ پٔتِمٮ۪و 11 ہَو ؤرۍ یَو پٮ۪ٹھ گِرِفتٲری نِش بچان۔ گِرِفتار کرنہٕ آمٕتۍ نفرَن ہٕنٛز شناخت چھِ محمد صادق خان نیچو محمد یوسف خان، اعجاز احمد شاہ نیچو محمد مزمل شاہ تہٕ محمد مزمل شاہ سُنٛد نیٚچُو، پرناپیلان اوری کِس روزَن وٲلۍ محسن علی شاہ سٕنٛدِ ناوٕ سۭتۍ کرنہٕ آمٕژ۔ پُلسہٕ ترجمانَن ووٚن ووٚن زِ أکِس الگ کارروٲیِس منٛز کوٚر وارہ پورہ پولیس پوسٹ کہِ أکہِ ٹیٖمَن شہزاد احمد لون سُنٛد نیچو محمد رمضان لون گِرِفتار۔ بنکوٹ باندی پورہُک روزَن وٲلۍ۔ شکاوَر چھِ سوپور پُلیٖس طرفہٕ آر پی سی کِس دفعہٕ 366، 344، 376-ڈی تہٕ 109 ہس تحت مطلوب۔