فرار پٹواری آو ترٛیٚیہِ رٮ۪تہٕ پتہٕ گِرِفتار کرنہٕ: کرٛایِم برانچ کشمیر

کرٛایِم برانچ کٔشیٖرِ ہٕنٛدِ اکنامک آفینسز وِنگ (ای او ڈبلیو) چُھ رُشوَت خوری تہٕ دھوکہ دہی ہٕنٛدِس معاملَس منٛز اکھ سٲبِقہٕ پٹواری گِرِفتار کوٚرمُت، یُس پٔتِمٮ۪و ترٛٮ۪و رٮ۪تَو پٮ۪ٹھ گِرِفتٲری نِش بچان اوس۔ وِنگ ہٕنٛدِ ترجمانَن ووٚن أکِس بیانَس منٛز زِ کرٛایِم برانچ کٔشیٖرِ کوٚر پانیر جاگیرُک روزَن وٲلہِ غلام رسول خان سُنٛد نیٚچُو عاشق علی گِرِفتار یُس وٕنکینَس سرینگرَس منٛز اوس، یُس بَلہاماہَس منٛز پٹواری پٲٹھۍ تعینات اوس۔ تٔمۍ ووٚن زِ مُلزِم اوس ایف آئی آر نمبر 14/2025 تحت آر پی سی کِس دفعہٕ 167، 420 تہٕ 120-بی تہٕ بدعنوانی روک تھام ایکٹ کِس دفعہٕ 5 (2) تحت مطلوب۔ تٔمۍ ووٚن زِ یہِ معاملہٕ چھُ رُشوَت، دھوکہ دہی تہٕ جعلی زمینٕچ منتقلی سۭتۍ سۭتۍ ریونیو ریکارڈَن منٛز غلط اندراجَس سۭتۍ تعلُق تھاوان۔ ترجمانَن ووٚن ووٚن زِ 9 جولائی 2025 دۄہ آو مُکمل تہٕ ٹھوس ثوبوٗتن ہِنٛدِس بُنیادَس پٮ۪ٹھ شیٚن مُلزِمن خٕلاف مقدمہٕ درٕج کرنہٕ، یِمَن منٛز اکھ تحصیلدار تہِ شٲمِل چھُ۔ تٔمۍ ووٚن زِ یِمَو منٛز چھِ پانٛژھ مُلزِم گۄڈَے گِرِفتار کرنہٕ آمٕتۍ۔ تٔمۍ ووٚن بیٚیہِ زِ عاشق علی اوس مقدمہٕ درٕج گژھنہٕ پتہٕ گِرِفتٲری نِش بچان۔