لیہَس منٛز ہلکہٕ بُنِؠل ہُنٛد، کنہ تہِ نۄقصانُک اطلاع چھنہ.

مرکز زیر انتظام علاقہٕ لداخ کِس لیہہ ضلعس منٛز آو آتھٕوارِ دۄہ صُبحٲے زلزلہٕ ہلکہٕ زلزلہٕ محسوس کرنہٕ۔ تاہم چھُنہٕ کُنہِ جان یا املاک ہٕنٛدِ نۄقصانٕچ کانٛہہ اطلاع مِلنہٕ آمٕژ۔ امہِ بُنیُلٕچ شدت آیہ ریکٹر پیمانس پیٹھ 3.6 ریکارڈ کرنہٕ، تہٕ امیُک زیر زمین سرٛنٮ۪ر اوس 10 کلومیٹر۔ نیشنل سینٹر فار سیسمولجی مُطٲبِق آو آتھٕوارِ دۄہ صُبحٲے 7:30 بجہِ لیٚہَس منٛز بُنیُل۔ تِمَو ووٚن زِ امہِ بُنیُلٕچ شِدَت ٲس ریکٹر پیمانَس پیٹھ 3.6 ریکارڈ کرنہٕ آمٕژ، تہٕ اَمیُک زیر زٔمیٖن سرٛنٮ۪ر اوس 10 کلومیٹر۔ وونہِ گو٘ امہِ بُنِلہِ کِس نٔتیٖجَس منٛز چھُنہٕ کُنہِ جٲنی یا مٲلی نۄقصانٕچ کانٛہہ تہِ اطلاع دِنہٕ آمٕژ۔ یہِ چھُ قٲبلِ ذِکِر زِ گۄڈٕنِکہِ زلزلہٕ آو أتھۍ ضِلعَس منٛز 13 تہٕ 14 اکتوبر چہِ رٲژ محسوس کرنہٕ۔ اَمہِ بُنیُلٕچ شِدَت آیہِ ریکٹر پیمانَس پٮ۪ٹھ 4.5 ریکارڈ کرنہٕ، تہٕ اَمیُک زیر زٔمیٖن سرٛنٮ۪ر اوس 10 کِلومیٖٹر۔