اسہ کرژۄشوے راجیہ سبھا سیٹہٕ حٲصِل کرنٕچ کوٗشش، مگر کینژھو دیت اسہِ ٲخری مرحلس پیٹھ دھوکہٕ: عمر عبداللہ

جموں و کشمیرٕکۍ وزیر اعلیٰ عمر عبداللہ ہن ووٚن زِ نیشنل کانفرنسن کٔر جموں و کشمیرٕچ ژۄشوٕے راجیہ سبھا سیٹہٕ زیننٕچ پوٗرٕ کوٗشش۔ مگر کینژَو جاین کوٚر تِم ٲخری مرحلس پیٹھ دھوکہٕ۔ تٔمۍ ووٚن زِ راجیہ سبھا سیٹَن منٛز 3/1 مُتعلِق گژھِ نہٕ کٲنٛسہِ کانٛہہ شِکایَت آسٕنۍ۔ وزیر اعلیٰ ہن کوٚر یِمن خیالاتن ہُنٛد اظہار بَٹہٕ وارِ دۄہ نامہ نگارن سۭتۍ کتھ کران ۔ تٔمۍ ووٚن: ‘کٲنٛسہِ گژھِ نہٕ 3/1 مُتعلِق کانٛہہ شِکایت آسٕنۍ۔ اسہِ کٔر ژۄشوٕے سیٹہٕ حٲصِل کرنٕچ پوٗرٕ کوٗشِش، مگر یِتھ کٔنۍ مےٚ راتھ شامَس پننِس ٹویٹر پوسٹَس منٛز ووٚنمُت، ٲخری مرحلَس پٮ۪ٹھ ٲس کینژَو جاین دھوکھہٕ دِنہٕ آمٕژ۔’ تٔمۍ ووٚن زِ تقریباً پرٛٮ۪تھ کانٛہہ چھُ وۄنۍ دھوکہٕ دِنہٕ والٮ۪ن ہُنٛد ناو زانان، تہٕ سُہ چھُنہٕ یِم دُہراونہٕ یژھان