کشمیر ڈویژنَس منٛز گژھِ 1 نومبر پٮ۪ٹھٕ سکوٗلَن ہُنٛد نٔو وقت شُروع

ڈائریکٹوریٹ آف سکول ایجوکیشن کشمیر (ڈی ایس ای کے) کوٚر کشمیر ڈویژن کین تمام سکوٗلَن خٲطرٕ اپ ڈیٹ سکوٗلَن ہُنٛد وقتُک اعلان، یُس 1 نومبر 2025 پٮ۪ٹھ لاگو چھُ۔ یہِ شیڈول چھُ سرکٲرۍ تہٕ تسلیم شُدٕ پرائیویٹ سکولن دۄشوٕنی پیٹھ لاگوٗ۔30 اکتوبر 2025 کِس آرڈر نمبر 309-ڈی ایس ای کے مُطٲبِق روزن سرینگر میونسپل حدودَس منٛز سکوٗل صبحٲے 10:00 بجے پٮ۪ٹھٕ شامَس 3:00 بجے تام، ییٚلہِ زَن یِمو حدو نٮ۪بر باقٕے علاقَن منٛز چھِ سکول صبحٲے 10:30 بجے پٮ۪ٹھٕ شامَس 3:30 بجے تام کٲم کرن۔ڈائریکٹوریٹ چھُ تمام سکوٗلَن ہدایت دِژمٕژ زِ تِم کرَن نَوین وقتَن پٮ۪ٹھ سختی سان عمل کرن۔ یہِ حُکُم چھُ تمام ڈِپٹی کٔمِشنرَن، کٔشیٖرِ ہٕنٛدِس ڈویژنل کمشنرَس تہٕ باقی مُتعلقہٕ محکمَن تعمیل تہٕ مُنٲسِب عملدرآمد یقینی بناونہٕ خٲطرٕ سوزنہٕ آمُت۔