پریس کلب آف کشمیرن چھُ غٲر تعلیم یافتہ "خود غرض”صحافین ہٕنٛدۍ نقل وحرکات رُکاونہٕ خٲطرٕ محکمہٕ اطلاعات کٮ۪ن ہِدایتن ہٕنٛز حمایت تہٕ تمیُک خٲرمقدم کوٚرمُت۔

پریس کلب آف کشمیرٕکۍ صدر محمد سلیم پنڈتَن کٔر جموں و کشمیر انفارمیشن اینڈ پبلک ریلیشن ڈیپارٹمنٹ کٮ۪ن اقدامن ہٕنٛز تعریف تہٕ حمایت، یَتھ منٛز تمام متعلقہٕ حکامَن بلیک میل، جَبٕر، اہلکارَن پٮ۪ٹھ زبردستی تہٕ غٲر تصدیق شُدٕ یا توہین آمیز موادُک پھٔہلاو رُکاونہٕ خٲطرٕ نقلی، غٲر تعلیم یافتہ "صحافین” ہٕنٛزِ سرگرمیَن ہٕنٛز نگرٲنی کرنٕچ ہدایت دِنہٕ آمٕتۍچھِ۔ قٲبلِ ذِکِر کتھ چھِ یہِ زِ پریس کلب آف کشمیرَن چھُ گۄڈَے جموں و کشمیر ہائی کورٹَس سۭتۍ رجوع کوٚرمُت تہٕ یہِ درخواست کوٚرمُت زِ حکوٗمت کٔرِنۍ صحافیَن تہٕ فوٹو جرنلسٹَن خٲطرٕ گریجویشن کم کھۅتہٕ کم اہلیت قٲیِم ، خاص پٲٹھۍ ماس کمیونیکیشن یا پوسٹ گریجویٹ سطحَس پیٹھ۔ عدالتَن چھُ رپورٹ قبوٗل کوٚرمُت تہٕ اتھ معاملس منٛز نوٹس جٲری کٔرمٕژ۔