بہٕ چُھس دربار منتقل روایت بحال کرنس پیٹھ واریاہ خۄش: عبدالرحیم راتھر

جموں و کشمیر اسمبلی سپیکر عبدالرحیم راتھرن کوٚر دربار منتقل روایت بحال کرنُک خٲر مقدم تہٕ ووٚنُن زِ امہِ سۭتۍ گژھِ جموں و کشمیر کین لوٗکن درمیان پٲدٕ گژھن وول دورٮ۪ر ختم۔ تٔمۍ ووٚن زِ سُہ چُھ امہِ ترقی سۭتۍ واریاہ خۄش۔ سپیکرَن ووٚن از ژٔندٕروارِ دۄہ یَتہِ ژورَو ؤریَو پتہٕ دربار منتقل روایت بحال کرنَس مُتعلِق سوالَن ہُنٛد جواب دِوان۔ تٔمۍ ووٚن: ‘اَتھ منٛز چھُنہٕ کانٛہہ شَک زِ دربار منقل بند گژھنہٕ سۭتۍ اوس جموں و کشمیر کٮ۪ن لوٗکَن درمیان کینٛہہ دورٮ۪ر پٲدٕ گوٚمُت، یُس وۄنۍ ختم گژِھہ۔’ حکومتی خزانس پیٹھ مُتعلِق پرژھنہٕ پتہٕ ووٚن تٔمۍ: ‘سرکٲرۍ خزانہٕ چھُ ضروری، مگر لوٗکَن درمیان کتھ باتھ چھےٚ زیادٕ اہم۔ اگر لوٗکھ خۄش چھِ، سورُے کینٛہہ چھُ ٹھیٖک۔’ أمۍ ووٚن: ‘بہٕ چھُس درگاہ منتقل روایت بحال کٔرِتھ واریاہ خۄش۔