آیی ایچ پی ایل کرکٹ لیٖگ مٲلی دھوکہ دہی الزام سٲتۍ مُتٲثِر، نٲظمَن خٕلاف مقدمہٕ درٕج

جموں و کشمیر پولیسَن چُھ أکِس نجی ٹی 20 کرکٹ لیٖگ ہٕنٛدwn نٲظمَن خٕلاف مقدمہٕ درٕج کوٚرمُت، یِم بین الاقوٲمی کھلٲڑٮ۪ن دھوکھہٕ دِنہٕ تہٕ مٲلی طور دھوکہٕ دِنہٕ پتہٕ شہرٕ منٛزٕ ژٔلمٕتۍ چھِ۔ ویسٹ انڈیزُک مشہوٗر بیٹٕس مین کرس گیلس سان نِیُو واریاہو بین الاقوٲمی کِھلاڑٮ۪و اَتھ لیگَس منٛز حصہٕ۔ پُلسہٕ مُطٲبِق آو یہِ مقدمہٕ راج باغ پُلیٖس تھانس منٛز تعزیرات ہند کِس دفعہٕ 316(2) تہٕ 318(4) تحت درٕج کرنہٕ۔ یِم دفعہٕ چھِ دھوکہ دہی، اعتمادٕچ خلاف ورزی تہٕ مُجرمانہٕ لاپرواہی متعلق۔ ذرایعَو دِژ اطلاع زِ آیی ایچ پی ایل لیگ گٔیہِ 25 اکتوبر سرینگر کِس بخشی سٹیڈیمَس منٛز شُروٗع، یَتھ منٛز فائنل میچ 8 نومبر طے گوٚو۔ تاہم، بَٹہٕ وارِ دۄہ آو کھلاڑٮ۪ن اچانک اطلاع دِنہٕ زِ میچ چُھ تکنیکی وجوہاتو کِنۍ منسوخ کرنہٕ آمُت۔ دۅیمہِ دۄہ صُبحٲے ییٚلہِ کھلٲڑۍ پنٛنہِ ہوٹلہٕ منٛزٕ نیٚبر درٛاے، تِمَن لٔج پے زِ نٲظم ٲسۍ مبینہ طور شہر منٛزٕ درٛامٕتۍ تہٕ ہوٹل بِلہٕ آسہٕ بقایات۔ امہِ لیگُک احتمام اوس یووا سوسایٹی موہالی ناوٕ کہِ اِدارٕ طرفہٕ کرنہٕ آمُت۔