سی آئی ایس ایفٕکۍ ڈائریکٹر جنرلَن کوٚر جموں و کشمیرٕکِس لیفٹیننٹ شری منوج سنہاہَس سۭتۍ ملاقات۔
سنٹرل انڈسٹریل سیکورٹی فورس (سی آئی ایس ایف) ہُک ڈائریکٹر جنرل شری پرویر رنجنَن کوٚر از بوموارِ دۄہ سرینگرَس منٛز جموں و کشمیر کِس عزت مآب لیفٹیننٹ گورنر شری منوج سنہاہَس سۭتۍ ملاقات۔
تٔمِس سۭتۍ ٲسۍ جناب سُدھیر کُمار، ایڈیشنل ڈائریکٹر جنرل تہٕ سی آئی ایس ایفُک انسپکٹر جنرل شری نوجیوتی گوگوئی تہِ شٲمِل۔
اِجلاسَس دوران کٔر تِمو موجودٕ سیکورٹی صورتحال تہٕ جموں و کشمیرَس منٛز جٲری سی آیی ایس ایفٕچ تعینٲتی پٮ۪ٹھ کتھ باتھ۔ لیفٹیننٹ گورنرَس آو فورسُک کردار تہٕ یونین ٹیریٹری منٛز اَہَم تنصیباتن ہٕنٛدِ حِفاظتہٕ خٲطرٕ عملی تیٲرین مُتعلِق زانکٲری دِنہٕ۔
وُنکینَس چھِ سی آیی ایس ایفَس جموں و کشمیرَس منٛز 12 یوٗنِٹ موجود، یِم ہَوٲیی اَڈٕ، مرکٔزی جیل، پاور گرڈ، تہٕ ہائیڈرو پاور پلانٹ ہِوین اہم سٔہوٗلِیاتن ہِنٛز حِفاظت چھِ کَران۔ خطس منٛز تیزی سان ترقی کٮ۪ن منصوبن ہٕنٛدِ پیش نظر چھُ مستقبل قریبس منٛز سی آئی ایس ایفُک کردار تہٕ موجودگی منٛز اضافہٕ گژھنُک امکان۔