"تُہُنٛد سرمایہِ– تُہُنٛد حق” آگہی کیمپ یِیہِ پگاہ 14 نومبر دۅہہٕ سرینگر تہٕ جوٚمِس منٛز یِنہٕ والٮ۪ن لاوارث اثاثن کیُت منعقد کرنہٕ۔
یونین ٹیریٹری لیول بینکرز کمیٹی (یو ٹی ایل بی سی)، جموں و کشمیرکَرِ 14 نومبر (جُمعہ) سرینگر تہٕ جوٚمَس منٛز زٕ بٔڈۍ بیدٲری کیمپَن ہُنٛد اِنتِظام یُس 1 اکتوبر 2025 دوہ وزارت خزانہٕ کہِ محکمہٕ مٲلی خٔدمَت (ڈی ایف ایس) طرفہٕ شروع کرنہٕ آمٕژ مُلکَس منٛز "یور منی، یور رائٹ” مُہمہِ ہٕنٛدِ حِصہٕ چھُ۔ یِم کیمپ یِنۍ ایل ڈی ایم سرینگر تہٕ ایل ڈی ایم جموں ذٔریعہٕ منعقد کرنہٕ۔ امہِ اقدامُک مقصد چھُ غٲر دعویٰ شُدٕ ڈپازٹَن ہٕنٛدِس تصفیہَس منٛز تیزی لَگاونۍ تہٕ غٲر فعال مٲلی اثاثَن ہٕنٛدِس دُبارٕ حٲصِل کرنَس مُتعلِق عوٲمی بیدٲری بڑاوٕنۍ۔
جوٚمَس منٛز یِیہِ کیمپ ہوٹل کنٹری اِن، باہو پلازہَس منٛز صبحٲے 11:30 بجہِ شروع کرنہٕ، یَتھ منٛز مقٲمی رُکُن پارلیمنٹَس بطورِ مہمان خصوصی شِرکت کرنٕچ دعوت دِنہٕ آمٕژ چھےٚ۔ سرینگر کیمپ گژھِ صبحٲے 11:00 بجہِ کمیونٹی ہال، خلیفہ پورہ، خانیارَس منٛز شُروع تہٕ اَتھ منٛز سپدن خانیار تہٕ حضرت بلٕکۍ منتخب نُمایندٕ شٲمِل۔