جموں: ایس آئی اے یُک کشمیر ٹائمز کِس دفترَس پٮ۪ٹھ چھاپہٕ۔

جموں و کشمیر پولیسٕچ ریاستی تحقیقاتی ایجنسی (ایس آئی اے)ین ترٛوو برٛسوارِ دۄہ صُبحٲے انگریزی روزنامہٕ کشمیر ٹائمز کِس دفترَس پٮ۪ٹھ چھاپہٕ۔
ذرایعَو وون زِ یہِ چھاپہٕ اوسُکھ کشمیر ٹائمز تہٕ اَمہِ کِس ایڈیٹرَس خٕلاف درٕج أکِس کیسٕچ تفتیش کہِ حِصہٕ پٲٹھۍ ترٛاونہٕ آمُت۔
تِمَو ووٚن زِ ایجنسی چھےٚ اِدارٕ کٮ۪ن اِلزامَن ہٕنٛز چھان بین کران یِم قوم دشمن سمجھنہٕ یِنہٕ والٮ۪ن سرگرمیَن منٛز شٲمِل چھِ۔
ٲخٕری اطلاع موصول گژھنَس تام ٲس تلٲشی کاروٲیی جٲری۔
اتھ سلسلس منز چھِ مزید تفصیلاتن ہند انتظار۔