بہٕ کَرٕ بڈگام کٮ۪ن لوٗکَن ہٕنٛزن وۄمیدن پٮ۪ٹھ وُترٕ نٕچ کوٗشش: آغا منتظر

بڈگام حلقہٕ پٮ۪ٹھٕ نٔوۍ منتخب ایم ایل اے تہٕ پی ڈی پی رہنُما آغا سید منتظرَن کوٚر بیٚیہِ اکہِ لٹہِ بڈگام کٮ۪ن لوٗکَن ہُنٛد شُکریہ ادا تہٕ ووٚنُن زِ سُہ کَرِ تِمَن وۄمیدَن پٮ۪ٹھ وُترٕنٕچ کوٗشش۔
تٔمۍ ووٚن: ‘نیشنل کانفرنسہِ طرفہٕ بڈگام کٮ۪ن لوٗکَن سۭتۍ یہِ ناانصافی کرنہٕ آمٕژ چھےٚ، بہٕ کَرٕ تِم ہٹاونٕچ پوٗرٕ کوٗشِش’
ایم ایل اے یَن کٔر یِم تبصرٕ جُمعہ دۄہ یَتہِ قونوٗن ساز اسمبلی ہُنٛد رُکُن حلف تُلنہٕ پتہٕ نامہ نگارن سۭتۍ کتھ کران۔
تٔمۍ ووٚن: ‘بہٕ چُھس بڈگام کٮ۪ن لوٗکَن ہُنٛد شُکرگزار زِ تِمو کوٚر مےٚ پٮ۪ٹھ بھروسہٕ تہٕ تِمن ہٕنٛز وۅمیز چھےٚ وابستہٕ مٮ۪ے سۭتۍ۔ بہٕ کَرٕ تِمن مُطٲبِق روزنٕچ کوٗشش۔’
آغا منتظرَن ووٚن زِ بڈگامَس منٛز لُکن ہُنٛد پی ڈی پی اقتدارَس منٛز اَننہٕ خٲطرٕ ووٹ دِیُن اوس اکھ اجتمٲعی فٲصلہٕ۔