گاندربل پولیسَن کوٚر گاندربل کٮ۪ن مُختٔلِف ہسپتالَن منٛز ڈاکٹرَن تہٕ سٹاف لاکرَن ہُنٛد اچانک معٲینہٕ۔

صحت یاب کَرن والٮ۪ن اِدارَن منٛز حِفاظت مضبوٗط بناونہٕ تہٕ محفوٗظ تہٕ ذِمہٕ دار ماحول برقرار تھاونہٕ خٲطرٕ کوٚر گندربل پولیسَن پوٗرٕ ضِلعہٕ کٮ۪ن مُختٔلِف ہسپتالَن منٛز ڈاکٹرَن تہٕ سٹاف لاکرَن ہُنٛد اچانک معٲینہٕ۔
پولیسَن ووٚن زِ یِہ معٲینہٕ مُہِم کٔر پولیس ٹیمَو ہسپتال انتظامیہ ہٕنٛدِ تعاونَس سۭتۍ شفافیت تہٕ حفٲظتی پروٹوکولَن ہُنٛد منٲسب نفاذٕ سان۔
تِمَو ووٚن زِ اَمہِ کاروٲیی ہُنٛد مقصد چھُ ہسپتال کٮ۪ن احاطَن ہُنٛد غلط استعمال رُکاوُن، غٲر قونوٗنی سرگرمیہِ رُکاونہِ تہٕ ادارٕ جاتی گورننس مضبوٗط کرٕنۍ۔
پُلیٖس ترجمانَن ووٚن زِ معٲینس دوران آیہِ تمام لاکر تہٕ سٹاف سٹوریج جایَن پوٗرٕ پٲٹھۍ تلٲشی کرنہٕ۔
تِمَو ووٚن زِ طِبی تہٕ نیم طِبی عملہٕ اوس حِفاظتٕچ اہمیت، شَکاوَر سرگرمیَن ہٕنٛز بروقت اطلاع دِنہٕ تہٕ ہسپتالٕچ سہولیاتَن ہُنٛد غلط استعمال رُکاونَس مُتعلِق آگاہ کرنہٕ آمُت۔
گاندربل پولیسَن دِیُت یٔقیٖن زِ تِم چھِ عوٲمی ادارن ہٕنٛز حفاظت تہٕ مریضَن، دیکھ بھال کرَن والٮ۪ن تہٕ صحت دیکھ بھال کرن والٮ۪ن ہِنٛز حفاظت یقینی بناونہٕ باپتھ پرعزم ۔