سرینگرَس منٛز ایس بی آئی آفیسرز ایسوسیشن مرمت دفترُک افتتاح

سٹیٹ بینک آف انڈیا آفیسرز ایسوسیشنُک نوِ مرمت دفترُک افتتاح آو از سرکل جنرل سیکریٹری پریورت تہٕ ریجنل منیجر آر بی او-I میر محمد اکبرَن سرکل پریذیڈنٹ راجیٖو سرہندی، ڈی جی ایم ویجیلنس محمد ایاز الدین، صدر جموں ماڈیول شاہ زمان، تہٕ ڈپٹی جنرل سیکریٹری جموں ماڈیول راجیش مہتا سٕنٛزِ موجودگی منٛز کرنہٕ۔ ماڈیول عہدیدارو تہِ کٔر اتھ تقریبس منٛز شرکت۔

اتھ تقریبس منٛز کٔر آر بی او-آئی، آر بی او-IV، راسمیک تہٕ ساربی سرینگر کٮ۪و افسرَو شرکت۔ افتتاح پتہٕ کوٚر یِمَن شاخَن ہٕنٛدۍ افسرن ہٕنٛدۍ سرکل قیادتَن خٕطاب ۔

جموں ماڈیولُک ڈِپٹی جنرل سیکریٹری راجیش مہتا ہَن کوٚر تمام شِرکت کَرن والٮ۪ن تقریبَس منٛز شِرکت کرنہٕ خٲطرٕ خٲر مقدم تہٕ سرکل قیادتُک شُکریہ ادا تہٕ مرمت باپتھ کٔرٕن بینک انتظامیہٕچ تعریٖف۔

سرکل جنرل سیکریٹری پریورتَن دِژ اجتماعَس منٛز موجود ارکانَن بینکنگ صنعتَس منٛز تازٕ ترین پیشرفتَن ہٕنٛز اپ ڈیٹ۔