ایس بی آیی او اے جموں ماڈیولَن کوٚر آز جموں منٛز انٹر ریجن کرکٹ ٹورنامنٹُک انعقاد

سٹیٹ بینک آف انڈیا کِس جموں ماڈیول کٮ۪ن مُختٔلِف علاقَن درمیان آو سٹیٹ بینک آف انڈیا کِس جموں ماڈیول کٮ۪ن مُختلِف علاقَن درمیان اکھ بین علاقٲیی کرکٹ ٹورنامنٹُک انعقاد سٹیٹ بینک آف انڈیا آفیسرز ایسوسی ایشن جموں ماڈیولَن کِس طرفہٕ آز کنٹری کرکٹ سٹیڈیم امب گھروٹاہَس منٛز کرنہٕ۔

ڈپٹی جنرل منیجر جینت مانی اوس اَمہِ موقعَس پٮ۪ٹھ مہمان خصوصی ۔ ٹیمَن منٛز ٲسۍ ایڈمن سٹرائیکرز، آر بی او 2 بشرز، آر بی او 3 ایوینجرز، تہٕ آر بی او 5 ڈومینیٹرز شٲمِل۔ گۄڈنیُک میچ گوٚو صبحٲے 7:30 بجے شروع، تہٕ ٹورنامنٹ روٗد شامَس 4:30 بجے تام جٲری۔

جموں ماڈیولُک ڈپٹی جنرل سیکریٹری راجیش مہتا ہَن کوٚر ماڈیول کٮ۪ن ژۄشوٕنی ٹیٖمَن خٲر مقدم۔

گۄڈنِکِس میچُک ٹاس اوس ریجنَل منیجر آر بی او 2 جموں اجے کامدی یَن کٔرمُت۔ گۄڈٕنِکِس میچَس منٛز کٔر آر بی او 2 بشرَن 159/5، ییٚلہِ زَن آر بی او 3 ایوینجرَن کٔر 137/5 سکور۔ آر بی او 2 بشیرَن زیٛوٗن 22 رنو سۭتۍ۔

دوٚیمِس میچُک ٹاس اوس اسسٹنٹ جنرل منیجر سی ایم بھٹَن کوٚرمُت۔ دٔیمِس میچَس منٛز کٔر آر بی او 5 ڈومینیٹرَن 136/6 تہٕ ایڈمن سٹرائیکرَن 137/2 سکور۔ ایڈمن سٹرائیکرَن زیٛوٗن 8 وکٹَو سۭتۍ۔