لوٗکَن چھےٚ ناو بدلاونہٕ کھۄتہٕ زیادٕ بہتر حُکوٗمتٕچ ضرورت: عمر عبداللہ

جموں و کشمیرٕکۍ وزیر اعلیٰ عمر عبداللہ ہَن کوٚر برٛسوارِ دۄہ واضح زِ ریاستٕکۍ لوٗکھ چھِ اِدارَن ہٕنٛدۍ ناو بدلاونہٕ کھۄتہٕ زیادٕ بہتر حُکوٗمت، شفافیت تہٕ موثر کارکردٕگی ہٕنٛز خوٲہش تھاوان۔ تٔمۍ ووٚن زِ لوٗکَن ہٕنٛز دلچسپی چھِنہٕ ناوَن منٛز بلکہِ حکوٗمتٕچ کامہِ منٛز، اَمی مۄکھٕ گژھِ کارکردٕگی بہتر بناونس بُنیٲدی ترجیح دِنہٕ یِنۍ۔
سرینگرَس منٛز أکِس تقریبہِ دوران صحافیَن سۭتۍ کتھ باتھ کٔرِتھ ووٚن وزیر اعلیٰ ہن زِ ناو بدلاوُن چھُ ٹھیٖک، مگر لُکن چھےٚ زِیٛادٕ فِکر زِ حکوٗمت کیا چھےٚ دراصل کران۔ لوٗکھ چھِ کامہِ وُچھان، ناون کُن نہٕ۔

تٔمۍ کوٚر مرکٔزی حکوٗمت کِس پوٗرٕ مُلکس منٛز راشٹرپتی بھونُک ناو بدلٲوِتھ لوک بھون تھاونہٕ کِس فٲصلَس پٮ۪ٹھ تبصُرٕ۔
عمر عبداللہ ہَن ووٚن نیم مزاحیہ مگر معنی خیز اندازَس منٛز: ‘اگر ناو بدلاونہٕ سۭتۍ عوٲمی خٕدمَت بڑان چھےٚ، یہِ چھُ اصل، مگر لُکھ چھِنہٕ پرواہ کران زِ بہٕ چھُس پانس وزیر اعلیٰ، مُکھیہِ منتری یا وزیر عالیہ وَنان مگر بُنیٲدی مسلہٕ چھُ یہِ زِ أسۍ کیا چھِ تِمن خٲطرٕ کران۔’